Vefverslun

Eigandi rambastore.is er Ramba hf, kt. 440220-1180, VSK númer: 136848. Með því að heimsækja rambastore.is lýsir þú þig samþykkan skilmálum okkar um persónuvernd og öryggi.  

Afgreiðsla pantana

Afgreiðslutími pantana er 1-3 virkir dagar. Sé vara ekki til á lager verður haft samband við kaupanda og tilkynnt um áætlaðan afhendingartíma vöru. Þegar Ramba hefur lokið afgreiðslu pöntunar þinnar færðu sendan tölvupóst á netfang þitt með vörureikningi/nótu í viðhengi. Vörureikningurinn sýnir hvað var keypt, afhendingarstað, greiðslumáta og verð.

Afhending pantana

Ef kaupandi óskar eftir heimsendingu þá eru vörurnar sendar með Íslandspósti og gilda afhendingar-, ábyrgðar og flutningsskilmálar Íslandspósts um afhendingu vörunnar. Ramba ber samkvæmt þessu enga ábyrgð á því tjóni sem kann að verða í flutningi. Verði vara fyrir tjóni frá því að hún er send frá Ramba til viðkomandi er tjónið á ábyrgð kaupanda. Sé greitt fyrir heimsendingu með pósti tekur Ramba ekki ábyrgð á því ef Íslandspóstur sendir ekki upp að dyrum.

Hægt er að óska eftir að sækja pöntun til Ramba á þriðjudögum og fimmtudögum milli klukkan 17 og 20, Grænakinn 19, 220 Hafnarfjörður. Frí heimsending er á pöntunum ef verslað er fyrir 13.000 kr. eða meira nema annað komi fram í upplýsingum um vöru.

Verðskrá fyrir heimsendingar:

Sending á pósthús: 990 kr.

Heimsending: 1190 kr.

Greiðsla

Innkaupakarfa sýnir heildarverð pöntunar með virðisaukaskatti og sendingarkostnaði. Það er upphæðin sem þú greiðir. Eftirfarandi greiðslumöguleikar eru í boði: Kreditkort, debitkort, Netgíró og millifærsla. Allar greiðslur með kredit- og debitkortum fara fram í gegnum örugga greiðslumiðlun VALITOR.

Óski kaupandi eftir því að greiða með millifærslu skal kvittun úr heimabanka með staðfestri upphæð hafa borist á [email protected] innan 24 klukkustunda. Berist greiðsla ekki innan sólarhrings telst pöntun ógild. Reikningsnúmer Ramba er 0370-26-440221 og kennitala 4440220-1180.

Verð

Vinsamlegast athugið að verð á netinu getur breyst án fyrirvara og Ramba áskilur sér rétt til að afgreiða ekki pöntun ef verð vörunnar er rangt skráð á vefverslun. Öll verð í vefverslun eru gefin upp með VSK og eru reikningar gefnir út með VSK. Verð, myndir og vörulýsingar eru birtar með fyrirvara um villur.

Skilafrestur og endurgreiðsla

Kaupandi hefur 14 daga til að hætta við kaup á vefverslun að því tilskildu að varan sé ónotuð, henni skilað í góðu lagi í óuppteknum upprunalegum umbúðum. Ef vara er innsigluð má ekki rjúfa innsiglið. Við vöruskil verður kvittun að fylgja. Flutnings og póstburðargjöld eru ekki endurgreidd. Kaupandi ber ábyrgð á vöru þar til hún hefur borist Ramba. Allar fyrirspurnir skulu berast á [email protected]. Athugið að skilaréttur þessi gildir ekki um sérpantanir né útsöluvörur.  Endurgreiðsla er í formi inneignar eða vöruskipta.

Trúnaður

Ramba heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum, nema svo beri skylda til gagnvart lögum.

Um vörukaup gilda lög um neytendakaup nr. 48/2003 og lög um lausafjárkaup nr. 50/2000. Ef kaupandi er fyrirtæki gilda lög um þjónustukaup nr. 42/2000.

Meðferð persónuupplýsinga á Rambastore.is

Ramba leggur áherslu á örugga og ábyrga meðferð persónuupplýsinga. Ramba leitast við að takmarka vinnslu persónuupplýsinga eins og hægt er og safnar ekki persónuupplýsingum umfram það sem nauðsynlegt er.
Öll vinnsla á persónuupplýsingum, þ.m.t. öflun, skráning, vistun og meðferð þeirra á vegum Ramba lýtur lögum nr. 77/2000 um persónuvernd og meðferð persónuupplýsinga og öðrum reglum sem settar hafa verið á grundvelli persónuverndarlaga. Ramba gætir þess að sú vinnsla persónuupplýsinga sé í samræmi við persónuverndarlög.

Lög og varnarþing

Skilmála þessa ber að túlka í samræmi við íslensk lög. Komi upp ágreiningur eða telji einhver að hann eigi kröfu á hendur Ramba á grundvelli þessara skilmála, verður slíkum ágreiningi eða kröfu vísað til meðferðar hjá íslenskum dómstólum. Lögheimili Ramba og varnarþing er í Hafnarfirði.

Add to cart