Védís Pálsdóttir

Védís Pálsdóttir útskrifaðist frá vöruhönnunardeild Listaháskóla Íslands vorið 2016. Védís lauk starfsnámi hjá danska hönnuðinn Kristinu Dam 2017 og hóf eftir það störf hjá HAF studio og vann þar við vöruþróun og innanhúshönnun. Védís tók þátt á Hönnunarmars 2016 með sýninguna ,,Willow Project“ sem er samstarfsverkefni sjö hönnuða en sýningin hefur síðan þá ferðast um allan heim. Verkin sem Védís sýnir á Hönnunarmars 2020 urðu til í yfirstandandi fæðingarorlofi veturinn 2019-2020. Húsgögnin í vörulínunni eru innblásinn af svokölluðum einnar línu teikningum, þar sem ekki er lyft penna fyrr en teikningunni er lokið. Þrívíðu vörurnar eru hannaðar úr gleri og málmi, efniviði sem er ,,kaldur“ og „harður“ sem myndar andstæðu við mjúku línur teikninganna. Það er síðan neytandans að velja hvort það sé nóg að eignast tilbúna vöru í þessum skilningi eða hvort þörf sé á framleiðsluferlinu öllu. Ábyrgðinni á því vali er varpað yfir á neytandann.
Add to cart